СУТОМОРЕ – БУДВА – КОТОР - ПОДГОРИЦА - ПЕРАСТ – ТИВАТ - БАР-ОСТРОГ

  29.04-03.05.2021

5 дена / 4 ноќевања со превоз

29.04.2021 четврток ( Скопје-Сутоморе)

Состанок на групата во 14.00 часот на паркингот кај спортскиот центар Борис Трајковски и поаѓање за Црна Гора. Се патува преку Косово и Албанија со попатни паузи. Пристигнување во Сутоморе во вечерните часови. Сместување. Ноќевање.

30.04.2021 петок (Тиват - Пераст – Котор )

Во 10.00 часот поаѓање (факултативно)  за Тиват и посета на Порто Монтенегро. Ново изградена луксузна марина. Слободно време за прошетка во комплексот. Потоа патувањето го продолжуваме кон   Рисан и Пераст. Низ историјата Пераст многумина сакале да го освојат од Византиското царство па до австриијците и секој од нив оставил свој белег во градот. Денес Пераст е една од најлуксузните дестинации во Црна Гора, во градот има голем број на музеи и цркви, а секако главна атракција е островот Госпа од Шкрпеља. Со брод заминуваме кон ова мало островче. Легендата вели дека морнари во 14 век пронашле на карпа во морето икона на Богородица со дете во раце и по секоја успешна пловидба фрлале камења во морето и така се создал овој остров. На островот се наоѓа црква која содржи огромен број на уметнички дела како и иконата на Госпа од Шкрпеља. Но, она што најмногу го привлекува вниманието на посетителите е необичната таписерија која ја изработувала Јаница Куниќ цели 25 години колку што го чекала својот сопруг да се врати од пловидба. Во таписеријата се наоѓаат вткаени прамени од нејзината коса. Потоа со брод се враќаме во Пераст. Продолжуваме кон Котор, град под заштита на УНЕСКО и еден од најубавите градови. Во Котор може да се видат Столбот на срамот, Саат кулата, Катедралата Св.Трифу, Црквата Св.Никола....слободно време од 2,5часа за прошетка. Враќање во Сутоморе. Ноќевање.

01.05.2021 сабота ( Острог – Подгорица)

Во 10.00 часот поаѓање за Острог. Разглед на манастирскиот комплекс кој датира од 17 век  и поклонување пред моштите на Св. Василие Острошки. Попладне поаѓање за Сутоморе со попатна пауза на трговскиот центар Delta City во Подгорица.  Ноќевање.

02.05.2021 недела ( Будва)

Слободно предпладне. Околу пладне се упатуваме на целодневна прошетка во Будва. Будва е најпопуларното летувалиште во Црна Гора, карактеристично со голем број на песочни плажи, богат ноќен живот и прекрасните градби во стариот град кој е негов заштитен знак. Во Будва препорачуваме прошетка низ  стариот градот каде може да се видат црквите св Иван и св Марија како и Цитаделата или крстарење со некое локално бродче. Слободно време за индивидуални активности. Во попладневните часови враќање за Сутоморе. Ноќевање.

03.05.2021 понеделник (Сутморе - Бар – Скопје)

Поаѓање за Бар во 10.00 часот. Слободно време за прошетка низ градот. Препорачуваме посета на соборниот храм Св.Јован Владимир и Дворецот на крал Никола. Во 13.00 часот поаѓање за Скопје.  Се патува преку Албанија и Косово со попатни паузи за одмор и царински формалности. Пристигнување во Скопје во вечерните часови.

ЦЕНА 4.000 ден

ВО ЦЕНАТА Е ВКЛУЧЕНО

4 ноќевања во Сутоморе (вила Скаут и Ексклузив)

превоз со високо туристички автобус на наведената релација

посета на Острог, Подгорица, Сутоморе, Бар, Будва

пратител за време на целото патување

организација и реализација на патувањето

ВО ЦЕНАТА НЕ Е ВКЛУЧЕНО

превоз од Долниот до Горниот Манастир во Острог (со комбиња од манастирот 1 евро во праавец)

излетничка такса во Острог = 1 евро по лице, задолжителна доплата

Посета на Тиват, Перас, Котор (билет за брод и посета на Госпа од Шкрпеља) – 25 евра

влезници за културно-историските споменици 

патничко осигурување 

доплата за 1/1 соба= 1200мкд

деца до 12 години= 2500 мкд

НАПОМЕНА

За време на патувањето ќе бидат запазени сите протоколи, задолжителна дезинфекција при влез во автобус, одржување на дистанца на патници кои не патуваат заедно.

Се патува со исполнетост на автобусот согласно моменталните протоколи

За време на патувањето во автобус задолжително е носење на маска со која се покрива устата и носот. Патниците се должни за цело време траење на патувањето да внимаваат на својата безбедност и на безбедноста на цела група, и да ги почитуваат правилата и препораките на водичот.

Доколку дојде до откажување на аранжманот од ТА Скаут – парите се враќаат, а доколку патникот сака да го откаже патувањето, а истото се реализира, отказот на аранжманот ќе биде согласно условите за патување

ТА Скаут го задржува правото на промена на редоследот во програмата. ТА Скаут не сноси одговорност доколку некои културно – историски споменици кои се споменати во програмата се затворени или неможе да се посетат заради пандемијата.

Должината на слободното време зависи од објективни причини, агенцијата не учествува во организирање на слободното време на патниците

Може да се патува со лична карта

ТА Скаут има право 5 дена пред поаѓање да го откаже патувањето заради недоволен број на пријавени патници.

За реализација на овој аранжман потребен е минимум од 40 патници, а за факултативите 30 патници.

За ова патување важат општите услови за патување на ТА Скаут – Скопје